Chadamberangna dake cha∙ani gitalgipa cholrangko chanchina ranta ka∙aniko ra∙bana aro an∙tangtangna janggitangna changa sapaniko jakkale ka∙e cha∙enggiparangna WGH District Administration workshop ko ong∙atangaha. Ia skie on∙aniko mijal salni bako Workshop on Awareness Generation on Technological Innovation ine done Tura Circuit House o ong∙atangha. Ia workshop o chasong gitalni kolrangko jakkalna, gitalgipa chanchianirangko ma∙sie ra∙na aro dake cha∙ani ja∙pang ja∙dilko u∙ie ra∙nagita skie on∙angaha.
Ia workshop ko WGH a∙jani District Administration Atal Incubation Centre aro PRIME Hub baksa bakrime ong∙atangaha. Dingtang dingtang college rangni chatro chatrirang ia workshop o bakko ra∙e skie ra∙aniko nikangna man∙aha. Iako ong∙atanichi chadamberangni gisepo gisik a∙ning bite dake cha∙ani cholrangko sandinagita aro kolrangko jakkale janggi tanganiko bikotna dingtangmancha workshop o skianiko dakangaha.
