June 12 tariko India ni G-20 Presidency ko Ministry of Education and Meghalaya State Education Mission, District Mission Coordinator, Samagra Shiksha Abhiyan (SSA) ni dilanichi West Garo Hills ni Tura Super Market complex o oprake on∙angan baksana G-20 ni gimin Teaching Learning Material (TLM) Exhibition koba mesoke o∙nangjolaha.
Ia Jan Bhagidhari ba manderangni programme ko Meghalaya A∙dokni kitik bri o aro West Garo Hills oba ong∙atenga ine Early Childhood Care and Education (ECCE) ni State Coordinator, Singje Ch Marak aganangaha. Ia ong∙atanio teaching learning material exhibition ni gita G-20 ni gimin mikrakatanikoba on∙na aro summer camp, golporangko aganani, dakmesokani, unbaksa gipin ong∙atanirangko ong∙ate June 15, 2023 o matchotatgen ineba aganangaha.
Ua G-20 ni gimin Talatangan baksa India ni G-20 Summit ni theme ni gimin talatangan baksana sakantikon mikkangchi a∙songko bilakatangna ine ku∙mongan baksa mol∙molaniko o∙nangaha.
Ia programme o Administrative aro Account Officer, SSA, Tura D K Newar, Brizies Areng, Social Education organiser, Tura, DIET ni skigiparang, Tura, Education Department Officialrang, Teacher rang aro Tura ni bang∙a skul rangoni chatro chatri rang bakko ra∙angaha.
