Garo Hills ni a∙ja antio Sports Week ko ong∙atanio East Garo Hills o be∙en nigita bilgrigiparangna Rongjeng o kal∙susaaniko August 25 aro 26 tariko ong∙atangaha. Ia kal∙susaataniko Disabled Association aro District Sports Promotion Society bakrime jako ra∙e dakdilangaha. Ian dingtangmancha kal∙susaanirangchi songsalni chu∙gimik an∙seng baljoke dongani aro be∙enni namgnina dakchakani ine katta bichongko done a∙bachengatani ong∙a.
Be∙en nigita bilgrigiparangna dingtang dingtang kal∙susaanirang jekai volleyball, chri gosusaani aro minggipin an∙saobegipa kal∙anirangko kal∙atangaha. Ia kal∙susaaniona ja∙a, jak ba bimangnigita neng∙nikaniko man∙enggipa bang∙a chadamberang aro songni manderang katchabee bak ra∙na re∙batokaniko nikangna man∙aha. Iako ong∙atanichi uamangko songsalo dal∙e ra∙aniko mesokani ong∙a aro be∙en ni bilgrianiko man∙e duk ong∙e dongaigija mikkangchi chu∙sokgiparang ong∙na namgipa didianiba ong∙a.
