Songsak reserve buringoniko Assam ona ratdaldalgipa bolrangko badingsruke salenggipa Santro gari bolsako East Garo Hills a∙jani AHAM dolrang rim∙na man∙aha ine koborna u∙iataha. Uamang adita koborrangko man∙soe niroksandianiko dakenba August 26 tariko walni somoio rim∙na man∙aha ine parakataha.
Rim∙a man∙gipa gariko aro bolrangko Songsak Reserve Forest, East Garo Hills Williamnagar o donggipaona watataha. Bolrangko skatang badingsrukanina aro niamni a∙palo kragija kamko ka∙anina AHAM dolrang ia manderangni kosako raka ja∙kuko de∙china didiangaha. Unbaksana mikkangchi indakgipa kamrangko ka∙aoniko champengsonagita nanga ja∙kurangko aro simsakanirangko dakchinaba Forest department-ko mol∙molangaha.
