Bosco Hall-o NCC Cadet rangna Piping Cermony-ko August 26 tariko ong∙ate uamangni rakbee aro bimchipe kam ka∙anirangna Principal Fr Bivan Rodriques Mukhim-ni jakchi uamangko mande ra∙an baksa nambata gadangrangko on∙angaha.
Ia tom∙aniko NCC ni dal∙batgiparangoni sakgni CTO Abhimanyu Sharma aro Westerley R. Marak mongsonggipa ong∙e nirokaniko dakangaha. Uamangni skie on∙ani aro dilanichi nambatgipa gadangona cadet rangko tang∙doatna gita man∙aha.
Fr Mukhim cadre sakantina namgipa skaniko on∙an baksa NCC-ni bak ong∙aniara a∙songna dangdike on∙aniko skie ra∙asan ong∙aija indiba songsalna dangdike on∙ani aro jako ra∙e kam ka∙anioba bak man∙pagipa ong∙ani bidingo agane on∙angaha. NCC ni mikkangchi cleaning drive program-o chu∙gimik bak ra∙gipa ong∙na aro uamangni campus ni rongtalanian sakgipinrangna rongtal an∙talaniko dakmesokgipa ong∙angna niksamsoanikoba parakangjolaha.
Ia programo college-ni gitcham NCC cadet rangba bakko ra∙ange gitalrangna namgipa ramako mesokangan baksa bakrimaniko on∙angaha.
