Selsella o rikenggipa C&RD Block aro Bakalgre Hunar Hub nokko a∙dokni MP Agatha K. Sangma August 25 tariko re∙ange nirokeaniko dakangaha. Ua somoini bako Selsella ni MLA Arbinstone Marak, C&RD Block ni BDO Emanuel M. Sangma aro gipin officer rang dongpae rika cho∙anirangko dakenggipa biaprangko mesokdile on∙angaha.
Apsandake Sangma Selsella college-onaba re·ange nirokean baksana college-ni skigiparang aro kam ka∙enggiparang baksa chanchirimanikoba dakangaha. Ia College-o poraienggipa chatro chatrirangna namgipa gadango skie ra∙aniko on∙a aro bida nokko namdapatna rika cho∙aniko nangdapenggiparangni bidingo chanchirimanikoba dakangaha ine Agatha Sangma u∙iatangaha.
