August 24 tariko ma∙mong sorkarini Union Minister of State General Vijay Kumar Singh Road Transport, Highways & Civil Aviation (Retd) North Garo Hills a∙jaona re∙bae adita chanchirimanirangko dakangaha. Ia programo ua ma∙mong sorkarini pilak on∙atgipa project-rangko district administration aro line department ni officerrang baksa Mendipathar Multipurpose Cooperative Society Hall o tom∙e nipilaniko dakangaha. Union Minister ua somoio NGH a∙jani adita skulrangona re∙ange skulni skigiparang aro chatro chatrirang baksaba agan golpogrikanirangko dakangaha.
Programona Kharkutta ni MLA Rupert Momin, a∙jani DC Mitali Chandra, DSEO, SP Bruno Sangma unbaksa dingtang dingtang dingtang department ni official rang bakko ra∙angpaaha. Ia somoio NGH a∙jao ma∙mongni chamatgipa project rangni kam ka∙anirangko aro ka∙na nangkuenggiparangni bidingo chanchirimaniko dakangaha. A∙jao kamrangko ka∙na neng∙nikani aro ka∙na nangdapani bidingoba dingtang mancha VK Singh na agantalate on∙angaha.
