Bank ni dingtang dingtang kamrangna jekai Education loan, digital transaction unbaksana Banking service nigita kam cholrangko man∙ani bidingo Lead Bank Office, SBI aro RBI bakrime mijal salni bako awareness camp-ko Williamnagar Government College o ong∙atangaha. Ia awareness camp ko ong∙atanio sak 100 mangna batpile chatro chatrirang bak ra∙anganiko nikangaha.
Poraia skianiko dakna tangka paisanigita chol ong∙pagijagipa chatro chatrirang bank-oniko Education loan rangko ra∙ani bidingo agantalate on∙angaha. Ia chasongo tangka paisako jako done jakkalgija maikai phone aro card rangchi gamna man∙a u∙iataniko on∙an baksana mikkangchi chatro chatrirang maikai bank rango kamrangko ka∙na man∙gen uarangni giminba skie on∙angjolaha.
