Re∙anggipa July 29 tariko Goa songjinmao ong∙atanggipa Miss India Tourism Spark-o susae chebagipa North Garo Hills a∙jani Tra Liza G. Momin aro uni ka∙rimskarang, “Liz Production House” ni gita, Miss aro Mr Super Model Season 1-ko Tura District Auditorium-o ong∙atanggen. Indakgipa susaanirango chadamberangko niksengatna aro namgipa cholko on∙agita August 27 oni 29 tarikona uamang ong∙atangna miksongenga ine u∙iataha.
Ia Miss aro Mr Super Model Season 1-o chegiparangna tangkarangko boksis on∙an baksa re∙baenggipa Miss India Spark-o joljol bakko ra∙angnaba cholko man∙angjolgen ine parakataha.
