East Garo Hills a∙jani Williamnagar Circuit House o District level ni gita tom∙e dingtang dingtang nipiltaianirangko chanchirimangaha. Ia tom∙anio Tura ni MP Agatha K. Sangma, EGH a∙jani DC, Line department ni skotong, District Rural Development Agency (DRDA) ni Project Director, Block Development Officer rang, Tura Rural Business Office ni Assistant General Manager, Branch Manager, Reserve Bank of India (RBI) ni seokako man∙giparang aro dingtang dingtang department ni officer rang dongpae bakko ra∙angaha.
Ia tom∙anio branch rango loan na dorgasto galanio ru∙utani, somoi gita loan ko on∙ani aro chotpilani, nengrae loanko man∙ani aro ma∙mong sorkarini chamatgimin scheme rangni gita kam ka∙ani bidingo golporimaniko dakangaha. Unbaksana PMEGP ni gimin songadamrango mikrakataniko on∙ani, tangka paisarangni gita dakchakaniko man∙a amani gimin u∙iataniko on∙ani aro bank baksa line department rangni bakrime kam ka∙na nangani bidingo chanchirimaniko dakangaha.
