Roster system ko nipiltaina Expert Committee ko tarimanaha jekon ru∙utgijaan parakatgen aro Cabinet na u∙iataniko dakanggen ine Roster Committee ni Chairman Ampareen Lyngdoh aganangaha. August 21 tariko committee-nigita pilak MLA rang baksa tom∙bimonge golporimaniko dakange, uamangni miksonganigita dingtang dingtang department rangni kam ka∙aniko ma∙sie ra∙angaha ine kobor ra∙timgiparangna Lyngdoh parakataha.
Tom∙anio donggipa sakanti MLA rang cholrangko on∙anio namen changgipa sapgipa ong∙a aro mikkangchi sorkarini bilsi bongana re∙dilanio dilgiparang ong∙na bil amgipa ong∙a. Uamang baksa tom∙ani bite gnanggipa ong∙chongmota jeon bang∙a ja∙ku de∙na nanganirangko dakangaha ine Lyngdoh parakangaha.
