North Garo Hills a∙jani Resubelparao re∙baenggipa August jani 18 tariko Meghalaya Institute of Mental Health and Neuro Sciences (MIMS) aro a∙jani District Administration Job Melako ong∙atgen ine parakataha. Ian poraia matchote kam sandie dongenggipa chadamberangna nambegipa chol ong∙a.
Gisiko nanggipa skia man∙gimin chadamberang an∙tangtangni bidani kri dingtang dingtang a∙bani kamrango bimingrangko segatangna man∙gen ine u∙iataha. Kamna seokna re∙bagipa dingtang dingtang company ni manderang, skia pora gadangni kri aro uamangni changa sapanio pangchake seokaniko dakanggen ineba parakataha.
