Bilgaro 2W Monsoon Challenge 2023 ko August 10 tarikoni a∙bachengate da∙al salni bako matchotataha. Ia bike rally-o Garo Hills, Khasi Hills, Jaintia Hills aro Assam a∙dokni salsusagiparang bakko ra∙angtokaha.
Ia salsuaanio Grozier G. Momin skanggipa biapko man∙e chegipa ong∙angaha. Gnigipa biapko Khasi Hills oni Meban Aibok Suiam man∙anga aro gittamgipa biapko Brando Marak man∙angaha.
Unbaksana Best Sportsman ko Chengseng Ch. Marak man∙angskaaha. Ia Bike Rally Challenge-o chu∙gimik sak 19 salsusagiparang su∙saaniko dakangaha.
Bilgaro 2W Bike Rally ko Tura Motor Sports Club (TMSC) gittamgipa changna ong∙ataniko name chu∙sokgipa ong∙e matchotataha.
