A∙dok sorkari Power Department ni State Goods & Services Tax (SGST) ni tangkarangko gampilna janapaniko ra∙chakaha ine Power Minister AT Mondal August 10 tariko parakataha. Ia ja∙kuko ma∙mong sorkarini Central Goods & Services Tax (CGST) ko ra∙na changalani ja∙mano a∙dok sorkari parakatskaaha ine kobor ra∙timgiparangna u∙iataha.
Iani bidingo dolgittam melie chong∙motan Ma∙mong sorkari, Meghalaya sorkari aro Meghalaya Power Distribution Corporation Limited (MePDCL) meligrike ra∙chakgimin dongaha. Meghalaya a∙doko SGST ko ra∙galna man∙agita ma∙mong sorkari CGST ko ra∙galatskaaha ine Mondal parakataha.
