West Garo Hills a∙jani sanna bannaniko dakenggipa dolrang August 9 tariko dingtang dingtang Sub-Centre rangona re∙e Intensified Mission Indradanush 5.0 aro Pradhan Mantri Surakshit Matritva Abhyian (PMSMA) programko ong∙atangaha.
IMI ko a∙doko a∙bachengate bi∙sarangko bang∙a sabisirangoni naljoke rakkina biji su∙aniko dakangenga. Apsan dake PMSMA programko ong∙ate an∙o dongenggipa ma∙gipana jean gnigipa aro gittamgipa trimester-o ga∙akenggiparangna indin sanna bannaniko sorkarini sanchakram biaprango on∙anirangkoba dakangenga.
Sanna bannaniko dakenggipa dolrang a∙doko bi∙sarangni aro an∙o dongenggipa ma∙giparangni an∙seng baljokanina dingtang dingtang chel∙bea biaprangona re∙roroe, an∙tangtangko on∙kange rakbee kamrangko ka∙angenga.
