EGH a∙jani Williamnagar jolo donggipa District Auditorium-ko taridapanirang matchotangengaha ine koborko parakataha. Ia District Auditorium-ko 2014 bilsio oprake on∙angaha jeon dingtang mancha chadamberangna uamangni changa sapaniko dakmesokna miksonge a∙bachengataha. Iako taridape on∙anichi bang∙a cholrangko ra∙bana aro a∙jani nanga kamrangko sokachakna jakkalanggen ineba EGH a∙jani administration parakangaha.
Ian Williamnagar songinmao songdongenggipa manderangni jakkaltobegipa auditorium ong∙a jeon bang∙a jatni maniani, dakarikani aro gipin gamchatgipa programme rangko ong∙atna dakchakanggen. Unbaksana dingtang dingtang department rang aro skul, college ni programme rangkoba sokachakna jakkalenga. Ia kamrangko jako ra∙e ka∙aniara a∙dokni tang∙doanina jekai ringsalni a∙bao, doka damani, dilgiparangko tariani aro chu∙gimik janggi tanganina chongmotan chadamberangko skianina namen dakchakbeani ong∙na ka∙dongsoaniko on∙gipaba ong∙a.
