Manipur a∙dokni Indigenous Tribal Leaders’ Forum (ITLF) ni adita dilgiparang Union Home Minister Amit Shah ko grongna New Delhi ona re∙angna miksongenga ine koborko man∙soaha. Uamangni re∙angna miksonganiara dingtang a∙dokko ra∙bae on∙china, a∙dokni pulis aro commando force rangko a∙bri jolrangona watatchina, pattoko dongenggiparangko dingtang a∙dokona rimangskana aro sianggiparangko gope galna biaprangko on∙china gita ong∙a ine u∙iataha.
May 12 tarikonin tribal MLA rang, saksni BJP legislator rang, ITLF aro Kuki Inpi Manipur (KIM) dingtang a∙dokko on∙china dabianiko dakenga. Amit Shah ko gronge uamangni dabianiko ta∙rake nirokatpachina mol∙molaniko dakangan baksa a∙doko tom∙tomaniko ra∙bapilna namgipa ja∙kurangko de∙angchina didiangjolgen ine ITLF dolrang parakataha.
