A∙doko kam man∙gija dongenggipa nurse rangna salsani Overseas Nursing Job Fair ko August 4 tariko State Convention Centre, Shillong o 11:30 bajimango ong∙atnasienga. Meghalaya Health Department pilak gisiko nanggiparangko August 4 tariko 9 bajina skang sokbae an∙tangtangni bimingko segatepachina mol∙molataha.
Iako ong∙atanichi a∙doko nurse na poraie kamgri dongenggiparangko gipin a∙songo kam ka∙na chongmotan Japan, United Kingdom, UAE aro gipin a∙songrango kam ka∙na cholko ra∙bana miksongenga. Ia fair ko sorkari adita agency-rang jekai NAVIS HR Pvt. Ltd aro NURSEDGE rang baksa melie ong∙atanggen. Uamang pilak bakko ra∙enggipa nurse-rangna training ni somoio dongna cha∙na, kamrangko ra∙bae on∙a, VISA tarianio dakchakna, changa sapaniko nambatatna aro minggipin kamrangna dakchake on∙anggen.
