July 24 tariko Tura songjinmao dingtang dingtang dol jekai ACHIK, GSMC aro gipin NGO rang baksa CM ni chanchirimani somoio a∙sel ong∙ao bak donggipa manderangko rim∙anina gitcham Chief Minister Dr. Mukul Sangma suk ong∙gijaniko parakataha. Rim∙a man∙giparangni bimingrang baksa party-na chakgiparangko sechape on∙anina West Garo Hills ni Pulis department ko Sangma matnanga gnang aganangaha.
Ia tom∙bimonganio bang∙a manderangni bak ra∙aniko nikgenchimoba ge∙sa dolko nitee jaksi ottekaniko pulis dolrangni kosako Sangma sing∙doanikoba dakangaha. Pulis rang niamo pangchake kraa bewalo kam ka∙nagita nanga ine Mukul Sangma aganangaha. Ian a∙jani dal∙batgipa dilgiparangni ge∙etako man∙e pulisrangni kam ka∙aniko ma∙sina man∙enga ine Sangma agandapangaha.
