Law aro Health Minister Ampareen Lyngdoh ni Tura-o Winter Capital na dabianiko jechakanina Garoland State Movement Committee (GSMC) namnikgijani chinko mesokna July ni 20, 21 aro 22 tarikrango Garo Hills gimiko flag gisim aro ba∙ra gisim rangko gane ba chine Lyngdoh ni Garo Hills ona re∙baaniko jegalna ja∙ku deaniko dakangenga.
Lyngdoh ni agangipa kattarangara A∙chik jatna ra∙chakna man∙gijagipa ong∙a ine GSMC dolrang aganangaha. Uni re∙baaniko jegalna GSMC-CEC, H.Q. Tura, West Garo Hillsni, GSMC Zonal Unit aro Sub-Unit rangko didiatan baksana pilak A∙chik jatni NGOs, Nokma, Sordar, Senior Citizen aro Garo Hills-o songdongenggipa mande sakantikon bakko ra∙e namnikgijaniko mesoknagita uamang didiangaha.
