Mijal pringni bako Shillong, Lummawnei, Mawlai gopramo mande saksani manggisiko jako biji su∙a gnangko pulisrang man∙aha. Manggisiko songni manderang nikenba uamang bakan pulisrangna kobor on∙ataha ine ua songni Sordar, Habamut Mylliemumlong u∙iataha.
Ua mandeni siani a∙selko u∙inagita manggisiko Shillong Civil Hospital-ona porikka ra∙e nina watataha. Sianggipa mandeara Mawlai Nongkwar-oni, bilsi 30 ba 40 jolni ong∙achim ine parakataha. Ia obosta maini a∙sel ong∙aha uko name ma∙sina man∙kujaenga ine pulisrang aganaha.
