Battangimin September jani 16 tariko South Garo Hills ni Emangre songo donggipa Seventh-Day Adventist-rangni Green Valley Secondary School-o International Day for The Preservation of Ozone Layer-ko ‘Protect the Ozone Layer, Save our Future’ katta bichongko done maniangaha.
Ia salko a·gilsak gimiko maniengon South Garo Hills a·jaoba skulni chatro chatrirangna Ozone Layer aro uni gamchataniko Baghmara, Khongdok SF Range department-ni dilgiparang Baghmara Campers rangming baksa nangrime dakdilangaha.
Ozone Layer ian a·gilsako saloni sokbagipa namgijagipa Ultraviolet (UV) rays rangko champenggipa ong·a. Ia layer ba kosako donggipa mitapsa salgisakni gadang a·gilsako janggi tangenggiparangna namgijagipa UV rays-oniko naljoke rakkina dakchaka aro be·en bimango nalchakaniko champenggiap ong·a.
