Mijal salni bako Shillong Nongrah-oni me·chik bi·sa gimagipa jeni manggisiko da·alo man·pilgipani bidingo East Khasi Hills a·jani Superintendent of Police Vivek Syiem, IPS aganengon, YouTuber-rang aro pilak manderangna ua sianggimin bi·sani manggisini noksa ba video-rangko social media-rango watjachina raken bengataha.
Pulis dolrang ia obostani bidingo amsandianirangko dakangkuenga aro iarangni gisepo indake sianggimin me·chik bi·sani manggisini noksarangko social media-rango gipatenganiara sianggipani nokdangna gisik saaniko aro dukniko ra·baan baksana mande ra·gijanikoba mesoka ine SP Syiem parakangaha.
Bi·sani manggisini noksarangko maming dakgipa social media rango manderangan wataha ong·ode bikan uarangko ra·galchina raken ge·etangaha aro watgimin noksarangko ra·galjagenchim ong·ode uamangni kosako niamni gita raka ja·ku de·anirangko dakangen ineba SP Syiem talatangaha.
