Captain Williamson State University-na gitalgipa Garo Students’ Union (GSU) dolko da·al salo bikote on·angaha.
Iako India-ni Constitution Article 19-o pangchake jakgitele an·tangni miksonganiko agana, parakna aro jinma ku·monge maiko dakna man·agita kuliaha. Unbaksa, Article 29 aro 30-o pangchake jatni ku·sik aro daka rika, bebe ra·a aro bewalko bida pakwatchakramo ripingna miksonge ia gitalgipa dolko a·bachengate on·angaha ine Garo Students’ Union (GSU) CEC HQ Tura parakataha.
Ia tom·aniko GSU CEC HQ-ni General Secretary Bibian G Momin dakdilange bida pakwatchakramo A·chik chatro chatrirangko naljoke rakkina aro jatni dakbewalrangko namroro silroroatna kamrangko ka·na dilgiparangko seoke on·angaha.
Captain Williamson State University-na Garo Students’ Union (GSU)-ni gital office bearer-rangna seoka man·giparangara President Praistarbirth Ch Marak, Vice President Mathiash R Marak, General Secretary Magnus B Marak, Assistant General Secretary Newfield D Sangma, Additional Secretary Ronami D Shira, Adviser Chelchak Ch Marak, Publicity Secretary Janaban N Marak aro Organising Secretary-rangna Vayam G Sangma aro Jenisha N Marak ong·a.
