South West Garo Hills-ni skotong Ampati-o Uttar Poorva Transformative Industrialisation (UNNATI) Scheme 2024-ni bidingo District-Level Workshop-ko salsana ong·atangaha. Ia program-ko Office of the General Manager, District Commerce & Industries Centre (DCIC) Ampati, baksana a·dok sorkarini Directorate of Commerce & Industries, Promotion of Industry Department aro ma·mong sorkarini Internal Trade (DPIIT)-ni dakchakanichi ong·atangaha.
UNNATI scheme jean North East a·jarango bading chiwalgipa rangna industries ba karkana-rango gital ong·e tangka paisarangko jakkale ia a∙bao gisik nange a∙bachengatna sikgiparangna miksonge tarigimin ong·a. Ia scheme-ni gita tangka paisarangko man·ani cholko on·an baksana subsidy-rangko on·e aro tax ba kajina-oniko man·dapna dakchakaniko on·anggen.
Ia workshop-ona SWGH-ni Deputy Commissioner Hema Nayak mongsonggipa sokgipa ong·e, sorkarini official-rangna aro bading chiwalanio tangka paisarangko jakkalna gisik nanggiparangna UNNATI scheme-nigita namgniko man·anganiko aganangaha.
District Commerce & Industries Centre-ni gita industrial ba karkanarangko dal·roroatna aro dingtang dingtang scheme-rangchi bading chiwalanio tangka paisarangko jakkalna cholrangko am·sandina dakchakaniko on·a kamrangko ka·anganiko Ampati DCIC-ni General Manager Namchi Frieda R Marak aganangaha. Ia program-o sak 75-na baten bakko ra·angtokaha jekai official-rang, bading chiwalgiparang aro dingtang dingtang department-rangni ong∙a.
