Da·al salo Tura League-ni Super Division gadangni final kal·aniko Tura P. A Sangma Sports Complex Dakopgre-o Maram FC aro Chipakore FC baksa susagrikangaha.
Ia final susagrikanio Maram FC goal 2-1 chi Chipakore FC-ko amate 2025 bilsini Tura League Super Division gadangni champion ba chegipa ong·a
Skanggipa half-o Maram FC goal 2-ko chipe Chipakore FC dolna batsoe dongaha. Chipakore FC skanggipa half-o chipna man·jaoba gnigipa half-ni a·bachengao ru·utgija somoion goal 1-ko chipna man·aha. Uandake bon·chotaona kingking Chipakore FC krenge jotton ka·beoba chipdapna man·jae 2024 bilsini champion ong·genchimoba ia chang final-ko chena man·jaha.
Ia final susaaniona Rangsakona MLA Subir Marak, WGH District Sports Officer Saljagring Sangma, Rupanker K. Marak MFS, DFO, Tura WGH aro gipin dilgiparangba sokbaaha.
