Mijal salni bako North Garo Hills a·jao 2023 bilsini Inter-school Basketball Tournament-ko District Basketball Association (DBA), Resubelpara-ni dolrang a∙bachengataha. Ia basketball tournament-ko chu∙gimik salgittamna ong∙atna tik ka∙aha. Ia kal∙susaanio dam 7 skulrangni me∙asa dolrang aro dam 6 skulrangni me·chik dolrang bakko ra∙e susaanggen.
Ia kal∙susaaniko a∙bachengatani salo District Sports Association-ni Secretary aro Girls’ Higher Secondary skulni Principal mongsonggipa sokgipa ong·e kal∙anio dongangpaaha. Iako chadamberangna uamangni changa sapaniko dakmesokangna namgipa cholko on∙a tournament-ko ong∙atenga ine DBA parakangaha.
