Meghalaya a·dokni me·a aro me·chikrangna Border Security Force (BSF) o Constable (General Duty) na kamo rim·napnagita Open Rally Recruitment-ko Tura Danakgre 200 Battalion campus-o 2025 September 2 tarikoni a·bachengatna am·enganiko WGH Deputy Commissioner parakataha. Iako Deputy Inspector general, SHQ BSF, Tura-ni Assistant Commandant u·iataha.
Garo Hills-oni pilak a·jarangoni, sub-division aro block-rangoni ia kamna galna sikgipa chadamberang recruitment centre-rangona re·ange report ka·epachina aro PST/PET centre-rango form-rangko gapate donechina u·iataha.
Japatanigitade West Garo Hills a·jarango jekai Dalu, Selsella aro Rongram block-rango September 2 tariko ong·atanggen. Dadenggre, Tikrikilla, Gambegre block-rango September 3 tariko aro Demdema aro Batabari block-rango September 4 tariko ong·atangskagen.
South West Garo Hills, Betasing, Zikzak, Damalgre aro Purakhasia block rango September 6 tariko ong·atgen. SGH Baghmara, Chokpot, Rongara, Gasuapara aro Siju-o September 8 tariko aro East Garo Hills a·jao jekai Dambo Rongjeng, Songsak, Samanda-o September 9 tariko, North Garo Hills-o Resubelpara, Kharkutta, Bajengdoba aro Adokgre-o September 10 tariko ong·atanggen.
