South West Garo Hills a·jao jol me·a aro me·chikrangna km 10 mang ramako katate National Sports Day-ko gisik ra·angaha. Iako District Sports Office ong·ataha. Kataniko Indoor Stadium, Ampati-oni a·bachengataha jeon sak ritchana bate me·a aro me·chikrang bakko ra·angtokaha.
Me·arangni gisepo skanggipako Jangnapara songoni Chonseng B. Marak cheaha. Gnigipako Malpara songoni Bhismadev Hajong aro gittamgipako Rangsakona-oni Laichang T. Sangma cheangskaaha.
Me·chikrangni gisepo Mengkakgre songoni Dodime M Sangma cheangaha, gnigipako Chigitchakgre-oni Ringse Chimik G. Sangma aro gittamgipako Bollongre-oni Neha M. Marak cheangskaaha.
