Mijal salo North Garo Hills a·jani Resubelpara RMSA School o Social Welfare Department, Sarva Shiksha Abhiyan NGH Unit baksa nangrime be·ennigita bilgrigipa ba neng·nikaniko man·gipa bi·sa aro dal·giminrangko sandina aro u·ina Medical Assessment Camp-Ko ong·atangaha.
Ia camp-ko dingtang mancha be·en bimangnigita neng·nikanirangko man·gipa jekai ja·a jak kora, mikron nikmanja ba nikja, gisik sokdogijagipa ba autistic aro disable bi·sa ba dal·gimin manderangko sandina aro uamangko porikka ra·na ong·atangaha. Camp-ona sak 350 na batpile manderang sokbatokaha. Uamangni bimingrangko segatatenba tokprak bak dake suale doctor-rangchi porikka ra·na rimnapangaha.
Assessment camp-ona adita sak specialist doctor rang re·baaha. Uaranga orthopaedic, ophthalmologist, ENT, psychiatrist, audiologist, clinical psychologist, physio therapist rang ong·a.
Assessment camp ong·atenggipao doctor rangni porikka ra·a ba check up ka·a ja·man je manderangan 40% gapa uarangan Disable Certificate na eligible ong·gen. Certificate-ko man·ani ja·mano ia certificate chin skul re·gipa bi·sarang ong·ode Social Welfare Department-ni gita Scholarship, Book Grant, Unifrom grant ba Poraia matchotaha ongode unemployment allowance aro CM Care ba CM Care+ Scheme-ni gita pension rangkoba man·angen. Skul re·gijagipa ong·ode uamangna dingtang mancha CM Care ba CM Care+ Scheme-ni gita pension-rangka man·a ama ine camp ko ong·atanggipa dilgiparang Ku·rongdik kobor ra·timgipana parakatangaha.
Iandakgipa Medical Assessment Camp-ko bilsio changsa block prako ong·atronga.
