Red Ribbon Short Film Competition-o Kimo Otis Production skanggipa biapko man·e niksengangaha. Ia jawilwat ko Akkim Tito A. Momin Director ni kam ko ka·e tariangaha aro Senggai G Momin Editor ni kamko ka·angskaaha.
Ia competition nigita dingtang mancha HIV sabisini bidingo u·i ma·sibatatna aro maikai sabisioni naljoke dongani cholrangko manderangna u·iatna miksonge ong·atangaha.
Film competition kosan ong·aigija, T-Shirt Design Competition, Quiz Competition, aro Poster Competition koba ong·atangaha. Ian changa sapaniko dal·nike, ma·sianiko bakroatna aro HIV sabisini bidingo nambate u·i ma·sina ja·ku de·ani ong·a jekon Meghalaya AIDS Control Society pangna bilsian ong·atrongenga.
