Chongmotan jaanti man·rongenggipa, August, 2025 jani merongrangko Fair Price Shop Dealer rangona watatahaniko pilak AAY, PHH aro Non-NFSA ration card donggiparangna Deputy Commissioner (Supply), Tura u·iataniko on·angaha. Uni gimin pilak ration card donggiparang an·tangtangni F.P Shop Dealer-rangoniko uamangni man·a nanggni aro dongimin dam gita ra·na man·anikoba parakataha.
Iani bidingo Tura Sadar Division ni ning·o ga·akgipa Fair Price Shop Dealer rangko sorkarini dongimin niamrango pangchake merongrangko sualatnagita ge·etangaha.
AAY (card rimitgipa kingprako) ni ning·o japrako Kg 35 aro PHH (card gitchakgipa) ni ning·o japrako sakprakna Kg 5 ko indin sualatnagita aganangaha. Unbaksana Non-NFSA (card tangsimgipa) ni ning·o, card ge·sana japrako Kg 7.105 ko Fair Price Shop Centre ni Price Vigilance Committee ni dongimin damrango palnagita ge·etangaha jean gong 13 na batnagita nangjawa ine u·iatangaha.
Je manderangan janapgimin bako ga·akgiparang sepangbatgipa Fair Price Shop oniko merongrangko ra·ena man·gen ine u·iatan baksana Fair Price Shop ni dealer rangkoba dongimin niamrango pangchake merongrangko sualatnagita ge·atangaha.
