Da·al salni bako chang 11-gipa National Handloom Day-ko West Garo Hills, Tura ni Social Mobilization Experimentation and Learning Centre (SMELC) o Development Commissioner for Handlooms, Weavers’ Service Centre, Guwahati, Directorate of Sericulture & Weaving, Department of Textiles, Government of Meghalaya baksa nangrime ong·ate maniangaha.
Tom·aniona West Garo Hills a·jani Additional Deputy Commissioner, Pearla T. D. Sangma, MCS mongsonggipa onge bako ra·angaha. Unbaksa Department of Textiles (Weaving & Sericulture) ni Deputy Director, Sanre G. Momin, North Garo Hills, Dilma-ni Handloom ni Extension Officer Nixon Kadam K. Marak aro Guwahati, Weavers Service Center ni L.D. Clerk Brijesh Kumar Basfor ba sokbae bakko ra·angaha.
Ia Handloom day ko maniengon songrango ba·ra doke janggi tangenggiparangna department rangnigita dakchakaniko on·a aro uamangni dokgimin ba·rarangko palna dakchakanirangko talate on·angaha. Program-ni bako ba·ra doke cha·giparangna sorkarini dakchakanirangko man·a e-Pehchan Cards registration-ko dakangaha. Sokbagiparang Handloom Mark certification na biming segataniko dakangaha aro bon·kamao Individual Work Shed Scheme ni ning·o certificate rangkoba sualangaha.
Program-ona dingtang dingtang textiles aro Handloom-nigita dakdilenggiparangna agreba ba·ra dokgiparang, design-ko tarigiparang, gisiko nangiparang gana, aro gipin bararangko doke iano pangchake janggi tangenggiparangba sokbatokaha. Ia handloom-day ko manianiara jatni bikotgipa ba dokgipa bosturangko niksengatna aro songo noko ba·ra dokgiparangni janggi tanganiko tang·doatna aro gisiko nanganiko ra·bana ong·a
