Congress dolni dilgipa aro Mylliem-ni MLA Ronnie V. Lyngdoh-ko Chief Minister Conrad Sangma aro party-ni ka·rimskarang dal·bee rimchaksoaniko dakangaha.
Lyngdoh uni NPP baksa bakrimaniko talatengon ian party-ni nama miksonganiko aro Conrad Sangma-ni katta baksa kam ka·na gun gnanganiko nike napaha ine aganangaha. Ua Sangma-ni re·dilaniko aro dingtanganiko ra·bana party-ni bimchipe kam ka·aniko ra·doe aganangaha. Uni NPP baksa bakrimanian Mylliem-ni manderangni namnikao aro dingtanganiko ra·bana chanchiao pangchaka ine aganaha. Uko napatnagita NPP dolo maming songgigrikanirang aro on·anirang dongja ine Lyngdoh parakangaha.
Chief Minister Conrad Sangma, Lyngdoh aro uni nokdangni manderangko katchabee rimchaksoaha. Ua Mylliem-ni gitcham MLA Hamletson Dohling-koba Lyngdoh baksa agan golrike ia namgipa ja·kuko ga·anina demittelangaha. Dohling-ni chasongo bang·a project-rangko tikataniko janape da·o NPP dol dal·roroengon Mylliem constituency-o kam ka·aniko mangrak-ta·rakbatgen ine Sangma aganangaha. Mylliem-ko tang·doatna sorkari bimchipgipa ong·gen mongsongbate chadamberangna aro me·chikrangna ba ma·giparangna dingtanganiko ra·bana jotton ka·gen ine Sangma aganangkuaha.
