Da·al salni bako Garo Hills Autonomous District Council-o kam ka·gipa Non-Gazetted Employee Association (NGEA) an·tangtangni man·a nangkuenggipa ja 42 ni dormaharangko man·kujaenganina tom·tome re·jomaniko dakangaha. Uamang council office-oni a·bachenge Tura anti dal·gipako wilwile re·jomangaha jeon bang·a kam ka·giparang aro NGO dolrangba chakpaaniko on·a bakko ra·angaha.
GHADC-o kam ka·giparang uamangni man·a nangenggipa ja 42-ni dormaharangko ta·rake on·china aro chu·gimikko on·a man·jagenchimoba ja 12-niko on·skachina dabianiko dakenga.
Ian gitalgipa dabienggipa ong·ja, batanggimin changrangoba NGEA dol jingjengataniko dakangaha. Ia dormarangna dabiani ja aro bilsirang batroroe on·a nanggnirangba tang·dororoana sokenga. Changni chang an·tangtangni dormaharangna dabigenchimoba council-ko chalaigiparang da·onaba mamingkon daka dongkuja.
Da·alo re·jomaniko dakengon uamang dingtang dingtang sea jota donggipa kattarangko de·tome mesokangaha. Maming chrika a·boka donggija namen matchotangaha. Uamangni dabiani bilongen kimkimbegipa ong·a jean duk aro neng·nikan gapgipa gnang. Ia dabianiko EC ra·chakgenchimode uamangni bal bojarangko aditana ritchengatgipa ong·gen.
