Gregory Allya Warjri-ni NOMADS Film aro CORE GEO-EXPEDITIONS baksa bakrime tarigipa ‘A·chik Kol’ jawilwat Belo Horizonte Brazil-o ong·atgipa chang 19th gipa International UIS Congress of Speleology-o Professional Category-o skanggipako cheaha.
Ia documentary jawilwatko South Garo Hills a·jao CORE GEO Caving Expedition 2024-ko ka·ani somoio ra·aha. A·CHIK KOL jawilwato a·songni dingtang dingtang bakni gital u·i ma·sianina am·sandirikitgiparang, scientist rang aro joltangni rong·kolko napronggiparangni kamrang ka·aniko mesokaha. Ia jawilwatko Tolegre songo chini jontu whale-ni grengrangko man·gipao pangchake tariaha jean science-ni a·bao namen gamchatbegipaba ong·aha.
Da·o ia jawilwit international gadangona dikdiksani gisepon sokdona man·aha. A·CHIK KOL documentary-ko gipin a·songrangoba wataha jekai Hidden Earth UK Caving Conference, Festival des Voyageurs d’Ici Switzerland aro Swiss National Museum Night-o mesokaha. Shillong-ni EVENING CLUB-oba seoke mesokaniko dakaha aro ru·utgijaan manderangna aro chatro chatrirangna namgipa dakmesokaniko on·agita wate on·anggen ine uamang parakataha.
