Mijal walni bako Tura songjinmani Chitoktak Deran Gittimo bilsi 17 ong·gipa me·asa dambe saksa adatangko ruachi pite so·otaha.
Koborrangko man·soani gitade ia obosta mijal walo Jekil M. Sangma chu peke uni ma·gipa aro gipinrang baksa jegrikaoni a·bachengaha. Uni jonggipa adatangni indake dakanina ka·a nanga amjae adatangko ruachi dokan baksa suaha aro namen mata bu·anirangko man·aha. Sangma-ko saknaabeako Tura Civil Hospital ona sanna bannagita rimangon hospital ona soksrapgijaan rama tong·soan siaha ine parakataha.
Dosi donggipa mande mijal walo ia obosta ong·ani gisepo katahachim indiba da·al pringo uni ma·drang uko Chandmari pulis thana ona rimbae donaha.
