Chang 10-gipa Meghalaya State Shooting Championship 2025-o North Garo Hills-oni sak 15 shooter-rang bakko ra·ange a·jatangna mikkim rasongko ra·baaha.
Ia gosusaaniko July 14 oni 20 tarik 2025-ona Assam Regimental Centre Shooting Range, Shillong-o ong·atangaha. Ia kal·susaanio bak ra·giparang ge·bonga Gold aro ge·gni Bronze medal-rangko North Garo Hills-na man·bae on·angaha.
Ia gosusaanio Giting Rani M Momin Gold medal-rangko 10M Air Pistol Youth Women, 10M Air Pistol Junior Women, 10M Air Pistol Senior Women aro 50M Free Pistol Senior Women-ni bakrango man·angaha. Jerash K Marak ba Gold medal-ko 50M .22 Rifle Open Sight Men-o, Sunny Roagers G Momin Bronze medal-ko 50M .22 Rifle Open Sight Men-o aro Chonley K Sangma Bronze medal-ko 50M .22 Rifle Open Sight women-o man·angskaaha.
Shooting Association of North Garo Hills (SANGH) ian gitalgipa association ong·genchimoba indake chu·sokna man·anina dakchakgipa sakantikon mittelpilangan baksana Garo Hills-ni dingtang dingtang a·jarangoba ia shooting sports ba slai gosusaanio bakko ra·angchina didianiko on·angaha.
