South Garo Hills a·jani Chokpot Block-ni ning·o donggipa Deku, Sandong aro Sangknigre songrango JJM scheme-ni kamrangko matchote ka·e on·janina Deku jolni nangrimgimin NGO-rang jekai AHAM, GSMC aro AYWO dolrang PHE Minister Marcuise Marak-na Memorandum-ko on·angaha.
JJM scheme-ni kamrangko bang·a songrangon matchote on·genchimoba Chokpot Block-ni ning·o donggipa Deku jol-rango JJM scheme-ni kamrangko matchote ka·e on·jani a·selo songdongenggipa manderang salantio chirangko jakkalna bang·a neng·nikanirangko man·enga ine NGO dolrang aganangaha.
Iana agreba Deku, Sandong aro Sangknigre songrango bijoli aro network watanirangba tik ong·gijani a·selo poraienggipa chatro chatrirang neng·nikanirangko man·enganina ta·rakkale nirokatchina Chokpot-ni MLA Sengchim N Sangma ko NGO dolrang mol·molangaha.
