Ma·mong sorkarini Finance Minister Nirmala Sitharaman da·al salo Shillong songjinmaona sokbaaha. Ua salbri mangna donge dingtang dingtang nangenggipa rika cho·anirang aro project-rangni bidingo ma·sie ra·anggen jean Meghalaya sorkarini a·dokko tang·doatna, tourism ni a·bako bil·akatna, digital-nigita cholrangko ra·bana aro women empowerment-ko mangrakatna re·mikkangenggipani bak ong·a.
Finance Minister da·alo Shillong-o gital rikdaldalgipa Polo Shopping Complex-ko Conrad Sangma-ni aro gipin Minister-rangni dongao nokdongae on·anggen. Knal salo ua LARITI Auditorium-o ong·nasienggipa program-o bak ra·angskagen. Union Minister-ni sokbaanian Meghalaya a·dokni bang·a bakrango dingtanganiko ra·bana chanchienggipana ma·mongni dontonggipa jak on·aniko aro ka·donganiko mesoka.
