Madhya Pradesh ni Indore songjinmaoni Meghalaya a·dokni Sohra ona rona re·bagipa jiksesa Robibar saloni gimaenga ine u·iatangaha. Koborko man·soanigitade, Raja Raghuvanshi aro uni jikgipako bon·chote Sohra jean Cherrapunji-o Robibar salo nikchotangaha.
Ua biapko name dake nie roramna uamang jiksesa chakka ronggniko para ra·angaha aro jensalo uamangni phone rang switched off ba uamangna ka·na man·jajokon gimaenga ine chanchichipe saksa madrangrangoni Govind Police dolrangna u·iatangaha.
Gimagipa manderangko am·sandina dingtang mancha police dolrang kamko ka·angenga ine East Khasi Hills ni Superintendent of Police Vivek Syiem aganangaha.
