Ma·mong sorkarioni tribal a·kingrango dingtang dingtang kamrangna chamatgipani gimin GHADC-o Goods & Services Tax (GST) ko ra·ani bidingo jajaanirang ong·katanina Taxation-ko nirokenggipa council-ni Executive Member Grahambell Sangma talataha. Indakgipa kamrangna GST framework-o GST ra·aniko Municipal o watchangani dongagitaan GHADC-ni ning·oba galchangani gnang ine Sangma parakataha.
Ia jajaani bidingo tale ma·sinagita tax authority-onaba sokataha jeon u·i ma·sigipa Sumit Kumar Jain Borah-ko advisor aro consultant dake am·sandianiko dakataha.
Consultant-ko a·palchiniko rimbaani gimin talatengon GHADC o da·o dipet indakgipa technical kamrangna tax-ni bidingo name u·i ma·sigiparang dongkujaengani giminsa rakkina nangao ga·aka ine Sangma parakataha. Ian council-o tax law-ko name ja·rikna nangchongmotgipa aro gamchatgipa ong·aha ine ua aganangaha. Iako mikkangchi jajaanirang aro ma·sisretanirang dongjanagita Sangma talataha.
