Mijal salo South West Garo Hills Ampati-ona Meghalaya Civil Service Trainee Officer 2025 Batch-ni sak 35 officer-rang uamangni skie ra·ani aro exposure program-ni bak gita a·jarango administrative aro sorkarini kam ka·ani ja·pangrangni bidingo ma·sie ra·na re·ange skie ra·aniko dakangaha.
MCS Trainee Officer-rang uamangni skie ra·aniko dakmiting somoio District Administrative Officer aro Superintendent of Police-rang baksa Ampati DRDA Conference Hall-o agangrikaniko dakangaha. Ia session-o a·jani dilgiparangni daito ong·e mikkangchake sorkarini niamrangko ja·rike kam ka·ani cholrangni bidingo skie ra·angaha . Unbaksana Deputy Commissioner Office aro District Rural Development Agency (DRDA) rango salantio kam ka·anirangko nie skie ra·aniko dakangaha.
Ia skie ra·anio sima ari gita bading chiwalani aro sima ari biaprangni gimin u·ie ra·na gita Kalaichar Border Haat ona re·angaha. MCS Trainee Officer-rang songadam nokadamrango sanna bannaniko dakanirangko ma·sie ra·na gita Garobadha Primary Health Centre (PHC) onaba re·ange gronganiko dakangaha.Betasing C&RD Block-ni ning·o donggipa Godalgre Cluster Model Training Centre (CMTC) Meghalaya State Rural Livelihoods Society (MSRLS) cholrangko on·aniko National Rural Livelihood Mission (NRLM) ni ning·o dingtang dingtang daka rikarangni bidingo nie ma·sie ra·anikoba dakangjolaha.
