Central Agricultural University (CAU), Imphal uamangni chang 5 gipa Convocation Ceremony-ko College of Fisheries, Lembucherra, Tripura-o ong·atangaha.
Ia convocation ceremony-o India a·songni dam 28 a·dokrangoni sak 1500 mang chatro chatrirang Doctoral, Postgraduate aro Undergraduate gadangrango CAU-ni pakwatgipa degree rangko ra·chakangaha. College of Community Science, CAU, Tura nambate dakgiparangoni damsa college ong·aha jeon 2019-2024 bilsini gisepo poraie chusokanggipa sak 97 chatro chatrirang convocation-na register ka·aha.
Uamangoni sak 37 mang chatro chatrirang convocation-ona sokbaaha aro sak 8 mang Gold Medal-ko man·angaha. Gold Medal-ko man·giparangoni Tura songjinmaoni A·chik chadambe sakgni Kaelcedoni G. Momin (2022 batch) aro Choksimsa Wegara R. Marak (2020 batch) ni Food, Nutrition & Dietetics-o BSc Honours degree and BSc Community Science degree-o Gold Medal-ko ra·chakaha.
Ia program-ona Dr. V. Narayanan, Hon’ble Chairman of ISRO and Secretary, Department of Space mongsonggipa ong·e sokbaaha jeon ua CAU college-rangko ge·a gamanio aro gipin science-ni a·barango dilgiparangko bikotanina mittelangaha.
