May 10 tarik 2025, Sonibar attamni 5 bajioni India aro Pakistan a·songni bobil dinggrike dakgrikaniko dontongataha ine America ni President Donald Trump ni katta agananiko knasona man·soaha. Ian America a·songni India aro Pakistan a·song baksa golpogrike chanchirimani ja·mano indakgipa ja·ku de·aniona sokaha ine ma·mong sorkari u·iatangaha.
India aro Pakistan a·song baksa indake so·sojengjeng ong·aniara re·anggipa May 7 tarik Budbar pringni somoio, Pakistan aro Pakistan Occupied Kashmir (POK) ni dam 9 bobil dolrangni dongchakgipako Indian Armed Force ‘Operation Sindoor’ ko ka·e missile-chi nisiataha. Ia operation-ko walni 1:30 mang batao ka·aha jean battanggipa salrango Pahalgam o a·sel ong·anina ia ja·kuko de·angaha.
