A·song ge·gnini gisepo so·sojengjeng ong·aniko nike, Meghalaya East Khasi Hills-ni Indo-Bangla sima-ari jolo District Magistrate R M. Kurbah, IAS, section 153 BNSS-ko jakkale attam 8-oni pring 6 bajiona Zero Line-oni km 1 mang chel·aona night curfew-ko ra·gatangaha.
Ia somoiko chol ra·e ru·uta somoina napchipenggipa bobil dolrang, badingsrukani, a·song gipinoni manderang aro bang·a sosojeng ong·aniko ra·bana amgipa kamrangko champengsonagita ia curfew-ko ra·gatna nangaona ga·akaha. East Khasi Hills jolo adita bakrango guare ka·gijagiparang gnang jean napsrukgiparangna, a·songsa gipinna so·sojengjeng ong·aniko ra·bana aro bobil dolrangna namgija kamko jako ra·na nambegipa chol ong·gen ine parakataha.
Curfew-ni niam indake ong·gen chong·motan attam 8-oni pring 6 bajiona sima ario re·ruraani mongsongbate batsotna man·jawa. Sak bonga aro una bate tom·dake silchidare unbaksana gipin matsramgipa bosturangko jekai rod, boltong aro ro·ongrangko ra·bitaniko champengani gnang. Sima ari jolo badingsrukani aro apsandakgipa niamni a·palo kamrangko donsogimin somoio ka·genchimode raka sastiko on·aba parakataha. Ia curfew da·aloni jagni mangna ong·gen.
