India a·songni salgro-saliram jolrango aro Jammu and Kashmir, Punjab, aro Gujarat a·dokni dam 15 songjinmarango Pakistan a·songni mijal wal aro da·al pringni gisepo missile gona amgiparangko champengsoe uamangni Air Defense System ko Indian Army nosto ka·na man·soa ine ma·mong sorkari parakataha.
Sorkarini u·iatanigitade Srinagar, Pathankot, Amritsar, Ludhiana, Chandigarh aro gipin biaprango donggipa India ni military camp rangko Pakistan ni chadrape nisiatna amaniko ma·sisamsoe Pakistan ni Air Defence Radar rangko nosto ka·sona man·aha ine aganangaha. Pakistan sipairangni jakkalgipa drone aro missile rangko India ni Air Defence System chi nosto ka·angaha.
