May 7 tarik Bubar pring walni 1:30 baji mangni somoio, Pakistan aro Pakistan Occupied Kashmir (POK) ni dam 9 bobil dolrangni dongchakgipa biaprangko Indian Armed Force ‘Operation Sindoor’ ko ka·e missile-chi nisiataha jean battanggipa salrango Pahalgam o a·sel ong·anina aganchakani ong·a ine Ministry of Defence-ni official parakataha.
India a·songni ia ja·kuko de·ani ja·mano Pakistan ni Prime Minister Muhammad Shehbaz Sharif ni dilanio emergency meeting ko National Security Committee (NSC) baksa Islamabad-o tom·angaha jeon United Nations Charter ni ning·o donggipa Article 51 ko ra·gate a·songtangko chelchakna nanggipa ja·kuko de·angna tik ka·angaha. Ia tom·anio pangchake Pakistan dingtang mancha India ni kosako kragipa ja·kurangko de·e warachakangchina Army rangna raiko on·angaha.
India-ni military ba sipairangni indake kam ka·aniara kenrakgipa ong·a ine NSC janapange raken jegalangaha. Uamangni terrorist rangni dongchakram biapko nosto ka·na ja·ku de·a ine agananiara tolasan ong·aia maina Punjab aro Azad Jammu and Kashmir-o dongenggipa manderangni nokrangkosa nisiatani ong·a ine New Delhi ko matnangataha.
