Ministry of Home Affairs (MHA) ni ge·etgimino pangchake Meghalaya a·dokoba Civil Defense mock drill ko May 7 tariko attam 4 bajioni a·bachengatgen ine Directorate of Civil Defence & Home Guards, Meghalaya, Shillong u·iataniko on·angaha.
Ia mock drill ko ong·atani somoio bebekae a·song ge·gnini gisepo dakrikna nangaona sokgenchimode maikai sildoreng ba jet fighter rangchi chadrapako man·ani somoio naljoke dongna man·agita adita tarisamsoaniko dakanggen.
Iako ong·atengon, Air Raid siren ko attam 6:30 bajimangni somoio gamatgen jeni ja·man minute 2 na chu·gimik andalmitike donaniko dakanggen. Indake ong·genchimoba a·doko songdongenggipa manderangko maming dakeba kenjagokjachina mol·molangaha.
