April 29 tarik 2025, Mongolbar salo South Garo Hills-ni Rongara bazaar-o Tura-o Winter Capital songna campaign-ko A·chik Conscious Holistically Integrated Krima (ACHIK) dol ong·atangaha.
Ia ACHIK dolni ong·atgipa tom·bimonganiona songni manderang, chadamberang, ma·gipa pagiparang aro jatni dilgiparangba dongpae bakko ra·angaha. Ia dabianiara kakket bichalko on·ani, mande ra·aniko mesokani aro A·chik manderangna apsangrik ong·e dal·roroaniko ra·bana Meghalaya-o donggipa pilak biaprangon mikkang nitegija apsan namgnirangko man·a nanga ine ACHIK-ni President Macklawrence M Sangma aganangaha.
Ia campaign ka·anio manderang jinma apsan tom·dake re·jomaniko dake Winter Capital-ko Garo Hills-o nangani kattarangko chrike dabiangaha. Ia re·jomaniona Rongara jolni manderang ku·cholsan ong·e jatni namgnina dabianiona re·bae damsan tom·batokaha. Ia campaign-o pamphlet ba segimin ki·tap chongiparangkoba suale on·angaha.
